Nqs keni një projekt të veçantë 911 nga 1984 deri në 1998 dhe doni ta keni atë sa më origjinal dhe me pjesë cilësore tani bllokun e motorit mund ta porosisni direkt nga konçesionarët e Porsche.
Kjo vlen kryesisht për modelet që ftoheshin me ajër dhe ofrohen një sërë modelesh ndaj mos u merakosni nëse keni modele të rralla. Në Shqipëri nuk egzistojnë modele të tilla Porsche mesa dimë, por nëse keni një të tillë, na shkruani sa më shpejt në rrjetet tona.
Porsche kishte një sasi të voglë të konsiderueshme me blloqe motorike historike në magazinat e tyre dhe departamenti i klasikeve nuk mundi ti vinte në përdorim për ti hedhur në treg. Por së fundmi, Porsche Historic Motorsports filloi të prodhonte bllok motoric për Porsche 962 Group C dhe vunë re që blloku i 962 ishte pothuajse identik me 911. Historic Motorsport ndahu planet e tij me departamentin e klasikeve të Porsche dhe vendosën të punonin në blloqet e vjetra.
Tashmë mund të porosisni bllokun motorik në 3 versione, që i përshtaten 7 modeleve të ndryshme të 911.
I pari mund të përdoret tek Carrera ose Turbo nga 1984-1989
I dyti është për 964 Turbo 3.3L nga 1991- 1992
I treti vihet në punë si tek 964 dhe 993 Carrera, por edhe tek 964 Turbo 3.6L dhe 993 Turbo.
Dmth ky bllok bën punë për të gjithë modelet nga 1984 deri në 1998 përveç modeleve super të rrallë siç janë 3.8L e 964 dhe 993. Çmimet për këtë pjesë shkojnë deri në 7,978$ në Amerikë që sigurisht nuk është pak, por nqs jeni të fiksuar për restaurimin e një Porsche origjinal të atyre viteve, ja vlen totalisht.
