Tani mund të drejtoni automjetin pa duart në timon në Francë, por vetëm nëse i plotësoni kushtet e shumta. Duket se rruga e gjatë drejt drejtimit autonom po zbutet.
Të enjten, Franca autorizoi drejtimin autonom të “nivelit 3”. Kjo do të thotë se shoferi mund t’ia dorëzojë kontrollin automjetit, por duhet të jetë gati për të pilotuar kur të jetë e nevojshme.
Ngarja autonome e nivelit 3 është autorizuar në Europë që nga korriku i këtij viti, por Franca dhe disa vende të tjera kanë shtuar disa rregulla.
Çfarë do të thotë çdo nivel?
Ka pesë nivele të drejtimit autonom dhe shumica e makinave në rrugë janë të dizajnuara me disa elementë.
Niveli 0: Shoferi është plotësisht përgjegjës për të gjitha detyrat e drejtimit
Niveli 1: Shoferi mund të delegojë ose drejtimin ose përshpejtimin.
Niveli 2: Shumica e makinave të reja e ofrojnë këtë, do të thotë se automjeti mund të kryejë disa detyra drejtimi, si p.sh. qëndrimi në korsi.
Niveli 3: Ju mund t’i hiqni duart nga timoni gjatë trafikut me lëvizje të ngadaltë, por ju duhet të jeni në gjendje të merrni kontrollin në rast aksidenti.
Niveli 4: Ndryshe nga niveli 3, makina mund të hapë krahun në mënyrë të sigurt edhe nëse shoferi nuk i përgjigjet kërkesës së mjetit.
Niveli 5: E ardhmja e dëshiruar, ku automjeti mund të funksionojë plotësisht dhe në mënyrë të sigurtë pa shofer në të gjitha kushtet.
Çfarë do të ndryshojë në Francë?
Dallimi i madh me nivelin 3 është se shoferi nuk është më përgjegjës për drejtimin. Në vend të kësaj, është prodhuesi i makinave ai që është përgjegjës në rast aksidenti.
Një aspekt tjetër i rëndësishëm i lëvizjes në Francë është se rruga në të cilën lëvizin makinat duhet të ketë një kufi qendror nga rrugët e tjera dhe duhet të jetë e mbyllur për këmbësorët dhe çiklistët.
Për më tepër, shpejtësia maksimale do të jetë 60 km/h, por ajo do të rritet në 130 km/h pasi Franca miraton rregulloret e Kombeve të Bashkuara. Kjo do të lejojë drejtimin autonom të nivelit 3 të arrijë shpejtësinë maksimale me kusht që të mund të kryejnë parakalime automatike në mënyrë të pavarur.
